Hraunvallaskóli er ungur og ört vaxandi skóli í Hafnarfirði sem er nú að ljúka sínu þriðja starfsári. Í vetur stunduðu um 450 nemendur nám í 1. – 8. bekk í skólanum en fullmannaður verður skólinn með um 700 nemendur.
Hraunvallaskóli er ekki hefðbundinn skóli, heldur kennum við á opnum svæðum þar sem mikil áhersla er lögð á fjölbreytta kennsluhætti og samvinnu nemendahópa og á milli kennara. Skólinn er í einni nýjustu og glæsilegustu skólabyggingu landsins í Vallarhverfinu í Hafnarfirði en í vor verður síðasti áfanginn afhentur. Mikil áhersla er lögð á góðan aðbúnað fyrir verk- og listgreinar með góðum stofum og aðbúnaði.
Góð samskipti, samstarfsvilji, skapandi hugsun og starfsgleði eru lykilatriði í okkar samstarfi. Í Hraunvallaskóla er einnig starfandi leikskóli og er mikið og gott samstarf á milli skólastiganna. Við skólann starfar samhentur hópur kennara og starfsmanna og nú þurfum við á fleiri liðsmönnum að halda. Fyrir næsta skólaár vantar okkur
* Umsjónarkennara á yngsta stigi
* Umsjónarkennara á miðstigi
* Kennara á unglingastigi – kennslugreinar eru íslenska, tungumál, einnig valgreinar, ásamt umsjón
* Textílkennara
* Tónmenntarkennara
* Smíðakennara
* Sérkennara
* Danskennara
* Námsráðgjafa til afleysingar í eitt ár
Ef þú hefur áhuga á að taka þátt í skemmtilegu og skapandi starfi við uppbyggingu á metnaðarfullum og framsæknum skóla, hafðu þá samband.
Ágústa Bárðardóttir skólastjóri –
agusta@hraunvallaskoli.is
Guðrún Sturlaugsdóttir aðstoðarskólastjóri –
gudrunst@hraunvallaskoli.is
Sími 590-2800
Skapandi starf í nýjum skóla
Línu snið
