Á að leyfa fyrirtækjum að reka leikskóla?

[hjortur]

Og rökstyðjið mál ykkar. Af hverju ættu fyrirtæki að fá að reka leikskóla? Geta þau gert það jafnvel og hið opinbera? Eða jafnvel betur. Haldið þið að slíkt gæti orðið til þess að hækka laun?

Hvað haldið þið?

[Sigurjóns]

Það er til nokkuð sem heitir lög um leikskóla og aðalnámskrá leikskóla sem ætti að gefa rekstraraðilum aðhald. Nú þegar eru margir einkareknir leikskólar hérlendis og hægt að benda á Hjallastefnuna sem hefur staðið sig með miklum sóma. Starfið þar á bæ gæti verið það sama þó að rekstraraðilinn héti Glitnir eða Landsbankinn svo eitthvað sé nefnt. Veit annars ekki hvernig sveitarfélög tæki á málunum ef börn starfsmanna Landsbankans (dæmi) fengu forgang fram yfir önnur börn sveitarfélagsins hvort styrkir fengust til rekstrarins.

[hjortur]

Nú eru þeir sem eru á móti komnir í meirihluti. Það væri gaman ef einhver væri svo hugaður að rökstyðja þá skoðun. Af hverju ættu fyrirtæki ekki að reka leikskóla?

[Fjóla Þorvaldsdóttir]

Ef það væri svo að einkaskólar tækju á móti öllum nemendum en ekki útvöldum, Þá þætti mér ekkert athugavert við rekstrarformið. Það er vel þekkt staðreynd að einkaskólar velja nemendur með tilliti til andlegs og líkamlegs atgerfis. Því miður..

[ingolafs]

Leikskólinn er fyrsta skólastig og á að vera öllum börnum opinn. Ef leikskólar yrðu einkareknir er ég hrædd um að það myndi breytast. Sum börn þurfa mikla sérkennslu sem gæti þótt dýr. Og hvað eiga svo litlu fyrirtækin að gera sem hafa ekki tækifæri til að reka leikskóla?
Eiga þá leikskólakennar sem vinna hjá því opinbera að vera á lægri launum?

[hjortur]

Er eitthvað sem segir að það sé ekki hægt að hafa bæði kerfin samhliða? Það sem gerist þá er að stóru fyrirtækin létta álagið á opinkera kerfinu hvað varðar biðlista en auka álagið á hið opinbera hvað varðar launahækkanir.

Jú, líklegast yrðu leikskólakennarar á einkareknu leikskólunum tekjuhærri, en myndi það ekki skapa pressu á hið opinbera að hækka sín laun líka? Yrði þá ekki niðurstaðan sú að allir leikskólakennarar myndu hækka, þó sumir hækkuðu kannski meira en aðrir?

[Gvendur göslari]

Ég held að það sé ekki spurning að fyrirtæki munu fá að reka leikskóla í framtíðinni. Einkareknir leikskólar eru náttúrulega slíkir og af hverju ætti ekki einhver bankinn eða annað stórfyrirtæki að setja upp einkarekinn leikskóla hjá sér? Ég tala nú ekki um þegar það er svo mikill skortur á starfsfólki á almennum leikskólum að fólk kemst ekki út á vinnumarkaðinn af því að það fær ekki dagvistun. Þannig að það er til lítils að berjast gegn því.

Það þarf bara að finna út úr því hvaða kerfi er best til þess að tryggja gæðastjórnun á slíkum stofnunum.